მეღვინეობის სივრცეში გექნებათ შესაძლებლობა არა მხოლოდ დააგემოვნოთ, არამედ შეიძინოთ საუკეთესო ღვინოები. სივრცეში წარმოდგენილი იქნება როგორც გლეხის მიერ ქვევრში დაყენებული, ასევე დიდი და მცირე მარნების მიერ წარმოებული სხვადასხვა ტიპის, ფერისა და ასაკის ღვინო. გარდა ღვინისა, ასევე გელით ჭაჭისა და სხვა ტრადიციული სასმელების მრავალფეროვანი არჩევანი. ღონისძიებაზე დაგეგმილია საუკეთესო ღვინოების გამოვლენა და დაჯილდოების ცერემონია.

მეწარმეობის სივრცეში სტუმრები შეხვდებიან ეთნოგრაფიული ექსპოზიციების წარმომადგენლებს, რომლებიც წარადგენენ ტრადიციულ და კულტურულ ნამუშევრებს. აქვე დახვდებიან ხელნაკეთი ნივთების ოსტატები და შემოქმედები, რომლებიც წარმოადგენენ თავიანთ უნიკალურ ნამუშევრებს. სტუმრებს შესაძლებლობა ექნებათ, მონაწილეობა მიიღონ ხელთნაკეთი და თემატური ნამუშევრების გამოფენა-გაყიდვაში და დაათვალიერონ ეთნოგრაფიული ექსპოზიციები.

ბავშვთა სივრცეში პატარებს შესაძლებლობა ექნებათ ჩაერთონ სხვადასხვა გასართობ და შემოქმედებით აქტივობებში, მათთვის დაგეგმილია მხიარული თამაშები, სახალისო და საგანმანათლებლო აქტივობები. ბავშვთა სივრცე მოიცავს ყველაფერს, რაც საჭიროა უსაფრთხო, მხიარული და დაუვიწყარი გამოცდილებისთვის.